Kah rahi hai hashr mein wo aankh sharmai hui – Ameer Minai
Kah rahi hai hashr mein wo aankh sharmai hui
haye kaise is bhari mahafil mein ruswai hui
aaine mein har ada ko dekh kar kahate hain wo
aj dekha chahiye kis kis ke hai aayi hui
kah to ae gulchin asiran-e-qafas ke vaste
tod lun do char kaliyan main bhi murjhai hui
main to raz-e-dil chupaun par chipa rahane bhi de
jan ke dushman ye zalim aankh lalchai hui
gamza-o-naz-o-ada sab mein hai haya ka lagao
haye re bachpan ke shokhi bhi hai sharmai hui
vasl mein khali hui raqibon se mahafil to kya
sharm bhi jaye to janun ke tanhai hui
gard udi aashiq ke turbat se to jhunjhala ke kaha
vah sar chadhane lagi panv ke thukarai hui
Kachi divar hun thokar na lagana mujh ko – Israr Ansari
Kachi divar hun thokar na lagana mujh ko
apni nazron mein basa kar na girna mujh ko
tum ko aankhon mein tasavvur ke tarah rakhta hun
dil mein dhadakan ke tarah tum bhi basana mujh ko
baat karne mein jo mushkil ho tumhen mahafil mein
main samajh jaunga nazron se batana mujh ko
wada utana hi karo jitana nibha sakate ho
khwab pura jo na ho wo na dikhana mujh ko
apne rishte ke nazakat ka bharam rakh lena
main to aashiq hun divana na banana mujh ko
Kabhi yun bhi to ho – Javed Akhtar
Kabhi yun bhi to ho
dariya ka sahil ho
pure chand ke raat ho
aur tum aao
kabhi yun bhi to ho
pariyon ke mahafil ho
koi tumhari baat ho
aur tum aao
kabhi yun bhi to ho
ye narm mulayam thandi havayen
jab ghar se tumhare guzaren
tumhari khushbu churayen
mere ghar le aayen
kabhi yun bhi to ho
suni har manzil ho
koi na mere sath ho
aur tum aao
kabhi yun bhi to ho
ye badal aisa toot ke barase
mere dil ke tarah milane ko
tumhara dil bhi tarase
tum nikalo ghar se
kabhi yun bhi to ho
tanahai ho, dil ho
bunden ho, barsat ho
aur tum aao
kabhi yun bhi to ho
Kam ab koi na aayega bas ik dil ke siva – Ali Sardar Jafri
Kam ab koi na aayega bas ik dil ke siva
raste band hain sab kucha-e-qatil ke siva
bais-e-rashq hai tanharavi-e-rahrau-e-shauq
hamsafar koi nahi duri-e-manzil ke siva
hum ne duniya ke har ik shai se uthaya dil ko
lekin ik shokh ke hangama-e-mahafil ke siva
teg munsif ho jahan dar-o-rasan hon shahid
begunah kon hai us shahar mein qatil ke siva
jane kis rang se aayi hai gulshan mein bahar
koi nagma hi nahi shor-e-silasil ke siva
Layega rang zabt-e-fugan dekhte raho – Hosh Tirmazi
Layega rang zabt-e-fugan dekhte raho
phutegi har kali mein zuban dekhte raho
barpa sar-e-hayat hai ik hashr-e-dar-o-gir
deta hai kon kis ko aman dekhte raho
dam bhar ko aastan-e-tamanna pe hai hujum
jaye bichad ke kon kahan dekhte raho
milane ko hai khamoshi-e-ahal-e-junun ke dad
uthane ko hai zamin se dhuan dekhte raho
mahafil mein un ke shama jali hai ki jan-o-dil
khulata hai kab ye raz-e-nihan dekhte raho
aayi nigar-e-gam ke sada ‘hosh’ hum chale
tum imtiyaz-e-sud-o-ziyan dekhte raho
Intezamat naye sire se sambhale jayen – Rahat Indori
Intezamat naye sire se sambhale jayen
jitne kamzarf hain mehafil se nikle jayen
mera ghar aag ke lapaton mein chupa hia lekin
jab maza hai tere aangan mein ujale jayen
gham salamat hai to pite hi rahenge lekin
pehale maikhane ke halat sambhale jayen
khali vaqton mein kaheen baith ke rolen yaro
fursaten hain to samandar hi khangale jayen
khak mein yun na mila zabt ke tauhin na kar
ye wo aansun hain jo duniya ko baha le jayen
hum bhi pyase hain ye ehasas to ho saqi ko
khali shishe hi hawaon mein uchale jayen
aao shahr men naye dost banayen “rahat”
aastinon mein chalo sanp hi pale jayen
Bich mein parda dui ka tha jo hayal uth gaya – Bahadur Shah Zafar
Bich mein parda dui ka tha jo hayal uth gaya
aisa kuch dekha ke duniya se mera dil uth gaya
shama ne ro ro ke kati raat suli par tamam
shab ko jo mahafil se teri ae zeb-e-mahafil uth gaya
meri aankhon mein samaya us ka aisa nur-e-haq
shauq-e-nazzara ae badr-e-kamil uth gaya
ae zafar kya puchata hai begunah-o-bar-gunah
uth gaya ab jidhar ko vaste qatil uth gaya
